نبني نمو حقيقي
MOVA Labs شركة تسويق رقمي وتدريب وصناعة محتوى من الأردن. بنساعد المشاريع تنتقل من الإمكانية إلى الأثر، بنظام واضح وفريق متخصص وقرارات مبنية على الأرقام.
بدأنا من الميدان، مش من المكتب
MOVA Labs طلعت من شغل يومي حقيقي على صفحات وإعلانات مشاريع أردنية: متاجر، أسواق، مراكز تجميل، مطاعم ومؤسسات تعليمية. ومن هالتجربة شفنا نمط بيتكرر: المشاريع بتصرف على الإعلانات، بس النتيجة ما بتيجي.
والسبب غالباً مش بالإعلان نفسه. السبب إنه التسويق بيندار كقطع منفصلة: حدا بيصمم، وحدا بينشر، وحدا بيشغّل إعلان، وما حدا شايف الصورة كاملة: الجمهور، والعرض، والمحتوى، وعملية البيع، والربح بالآخر.
عشان هيك بنينا MOVA كشركة بتشتغل على التسويق كمنظومة وحدة، بفريق متكامل وأنظمة عمل واضحة، وتقارير بتحكي الحقيقة حتى لو ما كانت حلوة.
سيف طعامنه
المؤسس، ومسؤول الاستراتيجية وإدارة الإعلانات
متخصص بالتسويق الرقمي وإدارة الإعلانات من أكثر من 7 سنوات، أدار خلالها حسابات إعلانية وصفحات فيسبوك وانستغرام لمشاريع أردنية بقطاعات مختلفة، من المتاجر والأسواق لمراكز التجميل والأزياء والتعليم.
بيدرّب من سنة 2016، واشتغل بتطوير المواقع وبنى أكثر من 10 مواقع لعملاء، مع خبرة قوية بالـ SEO: كتابة المقالات، تحسين الظهور على جوجل، ومتابعة Google Search Console. وإلمامه بالتصميم والمونتاج بيخليه يحكي مع فريق الإنتاج بنفس لغتهم.
وقبل التسويق، اشتغل بالسوق كبائع وكموظف بأكثر من مكان. عشان هيك بيفهم كيف بيفكر الزبون قبل ما يشتري، وكيف بيفكر صاحب العمل قدام الأرقام، وهاد أساس كل خطة بتطلع من MOVA.
مهمتنا
نساعد المشاريع العربية تنمو بشكل مستدام، من خلال تسويق مربوط بالمبيعات والربحية، ومحتوى بخدم هدف واضح، وشراكة مبنية على الشفافية.
رؤيتنا
نكون من الشركات الرائدة بالتسويق الرقمي والتدريب وصناعة المحتوى بالأردن والوطن العربي، ونرفع مستوى المهنة نفسها من خلال بناء مسوقين محترفين.
المبادئ اللي بنشتغل فيها
هاي مش شعارات على الحيط، هاي الطريقة اللي بناخذ فيها قراراتنا كل يوم.
الشفافية
بتعرف وين انصرف كل دينار وشو رجّع، والتقارير بتحكي الواقع كما هو.
القرار بالبيانات
ما بنعتمد على الإحساس. بنختبر، بنقيس، وبعدين بنقرر.
الاستدامة قبل السرعة
بنفضّل نمو ثابت بيعيش، على نتائج سريعة بتختفي بعد شهر.
ملكيتك محفوظة
الحسابات والصفحات والبيانات ملكك أنت، وإحنا بنديرها بأمانة.
الجودة قبل النشر
كل تصميم وفيديو ونص بيمر بمراجعة قبل ما يوصل لجمهورك.
التعلّم المستمر
المنصات بتتغير كل يوم، وإحنا بنتعلم وبنطوّر فريقنا باستمرار.
فريق متكامل تحت سقف واحد
كل دور بالفريق إله مسؤولية واضحة، وكلهم بيشتغلوا على نفس الخطة لنفس الهدف.
الاستراتيجية وإدارة الإعلانات
بناء الخطط، تشغيل حملات Meta، وتحليل الأداء والربحية.
إدارة الحسابات والصفحات
تحليل الصفحات، الخطط التسويقية، النشر والمتابعة اليومية.
المحتوى الإبداعي
كتابة المحتوى، أفكار الإعلانات، وتوجيه الإنتاج حسب الخطة.
التصميم الجرافيكي
بوسترات إعلانية وهويات بصرية بمعايير واضحة.
إنتاج ومونتاج الفيديو
تصوير المنتجات، ريلز، ومونتاج احترافي مناسب للإعلان.
صناعة المحتوى
محتوى UGC أمام الكاميرا وفويس أوفر بأصوات مختلفة.
ولأن كل الأدوار داخل الفريق، الخطة والتنفيذ بيمشوا مع بعض بدون ما تضيع بين أكثر من جهة.
شو بنعمل، وشو ما بنعمل
بنعمل
- نفهم مشروعك وأرقامك قبل ما نقترح أي حملة
- نربط التسويق بالمبيعات والربح، مش بالتفاعل بس
- نرسل تقارير دورية مفهومة مع توصيات واضحة
- نحكيلك بصراحة إذا في شي بمشروعك لازم يتصلّح
ما بنعمل
- ما بنشتري متابعين أو تفاعل وهمي
- ما بنوعد بأرقام قبل ما نحلل مشروعك
- ما بنحتجز حساباتك أو بياناتك
- ما بنقبل مشروع ما بنقدر نضيفله قيمة حقيقية
بدك تعرف إذا MOVA مناسبة لمشروعك؟
احكيلنا عن مشروعك وأهدافك، وبنكون صريحين معك من أول جلسة.