فحص مجاني لحسابك الإعلاني على Meta
بنراجع حملاتك على فيسبوك وانستغرام بعين خبير، وبنحكيلك بصراحة وين بتضيع ميزانيتك وشو أول 3 خطوات لازم تصلّحها.
- تقرير مختصر وواضح عن وضع حسابك الحالي
- جلسة 20 دقيقة نشرحلك فيها النتائج
- 3 توصيات عملية بتقدر تطبقها فوراً، حتى لو ما اشتغلت معنا
عدد الفحوصات محدود أسبوعياً حتى نعطي كل حساب حقه.
نموذج من بنود الفحص
8 نقاط بتحدد إذا إعلاناتك بتربح أو بتخسر
ما بنكتفي بالأرقام اللي بتطلع بلوحة الإعلانات. بنربطها بالبيع والربح الفعلي.
هيكلة الحملات
هل الهدف والميزانية ومستوى الحملة مضبوطين صح؟
تضارب الجماهير
هل حملاتك بتنافس بعضها على نفس الأشخاص؟
البيكسل والتتبع
هل Meta فعلاً بتعرف مين اشترى ومين تواصل؟
الإبداعات
قوة أول 3 ثواني، والرسالة، وتنوّع التصاميم والفيديو.
الاستهداف
هل الجمهور واسع لدرجة الضياع أو ضيّق لدرجة الغلاء؟
الأرقام والربحية
تكلفة النتيجة مقارنة بهامش ربحك ونقطة التعادل.
الفانل والرسائل
شو بيصير بعد الضغطة: سرعة الرد وجودة المحادثة.
توزيع الميزانية
هل الفلوس رايحة على اللي بيجيب نتيجة فعلاً؟
مناسب إلك إذا…
الفحص مناسب إذا
- عندك حملات شغالة أو اشتغلت خلال آخر 3 شهور
- بتصرف على الإعلانات وحاسس إنه النتيجة أقل من المتوقع
- بدك رأي خبير محايد قبل ما تزيد الميزانية
- بتبيع منتج أو خدمة واضحة بالأردن أو الوطن العربي
مش مناسب إذا
- لسا ما بلّشت إعلانات أبداً (احكي معنا عن خطة إطلاق بدلها)
- بدك زيادة متابعين أو تفاعل وهمي
- مش مستعد تغيّر أي إشي بطريقة شغلك
عبّي النموذج وخلّي الباقي علينا
بنراجع طلبك، وبنتواصل معك لترتيب الوصول للحساب وموعد الجلسة.
قبل ما تطلب
هل الفحص فعلاً مجاني؟
نعم، بدون أي رسوم أو التزام. هدفنا تشوف طريقة شغلنا على أرض الواقع، وإذا حبيت تكمل معنا بعدها فهاد قرارك.
هل رح تعدّلوا إشي على حسابي؟
لا. بنطلب صلاحية عرض فقط (Analyst) من خلال Meta Business، يعني بنشوف الأرقام والإعدادات بدون ما نقدر نغيّر أو نصرف أي إشي، وبتقدر تسحب الصلاحية بأي وقت.
كم بياخذ وقت؟
التحليل بياخذ من 3 لـ 5 أيام عمل حسب حجم الحساب، وبعدها بنرتب معك جلسة 20 دقيقة.
شو بستفيد إذا ما اشتغلت معكم؟
التقرير والتوصيات إلك، وبتقدر تطبقها بنفسك أو مع فريقك. ما في أي شرط.